Ek glo....
... in 'n drie-enige God wat Homself aan die wêreld openbaar het as:
Skepper - God die Vader
Hy het die heelal, alle sienbare en onsienbare dinge in 6 dae van 24-
uur elk geskape.
Verlosser - God die Seun
Hy stuur Jesus Christus as Verlosser aan die volle mensdom. Daar is
geen ander Naam op die aarde aan die mense gegee waardeur God
wil dat ons verlos moet word nie. (Hd 4:12)
Trooster - God die Heilige Gees
Na Jesus se hemelvaar stuur God die Vader die Heilige Gees na die
aarde om die mensdom 'n ware sondebesef te gee, die rigting en die
waarheid aan te dui en ons van sy alomteenwoordigheid bewus te
maak.
... dat evolusie die grootste leuen is wat tans wêreldwyd aangehang word en ons
kinders steel.
... dat kinders 'n seën uit God se hand is, net soos gesondheid, die lewe, gawes,
reën en selfs finansiële gemoedsrus
... dat die vrou se plek by die huis is. Dat ek as vrou aan my EIE man onderdanig
moet wees (Ef 5) en dat God juis gehoorsaamheid aan Hom seën. Ek is
geskape as my man se hulp en nie as die een wat beterweet, die besluite
moet neem of die rigting aandui nie. Ek moet juis sy besluite ondersteun,
die rigting wat hy kies neem (solank dit nie teen God indruis nie)
... dat alle vorme van kontrasepsie (voorbehoeding) abortief werk en teen God
se geopenbaarde wil is.(Lees hier en ook hier.)
... wanneer ek kinders as seën beskou vanuit God se hand, daar geen manier is
waarop ek beheer oor God se seën en handewerk kan oorneem nie.
... dat ons kinders in die eerste en enigste plek ons as ouers se volle verant-
woordelikheid is en dat ek voor die Vadertroon sal gaan staan om verant-
woording te doen oor hul opvoeding.
Ek hoop dat dit vir my lesers my sieninge en uitgangspunte sal verduidelik. Jy
mag moontlik nie saamstem nie, maar ek glo dat ek binne God se wil beweeg
wanneer ek hierdie dinge uitleef.
